هيواد راډيو تلوېزيون هيواد راډيو تلوېزيون
د هرات ولایتي شورا وایي، چي په یاد ولایت کي د ناامنیو پراخیدو ویره پیدا کړې او دا ولایت د طالبانو له خوا د سقوط له جدي ګواښ سره مخ دی.
د هرات د ولایتي شورا وکیل توریالي طاهري ویلي، چي د هرات له ۱۹ ولسوالیو طالبان په ۱۳ هغو کي فعاله حضور لري او خلکو ته یې ستونرې جوړې کړې دي.
هغه نیوکه وکړه چي حکومت په هرات کي د وضعیت د ښه کېدو لپاره لازم اقدامات نه دي کړي.
د هغه په خبره په ولسوالیو کي د نا امنیو سربېره په هرات ښار کي هم په دې وروستیو کي قتل، د سړي تښتوني پېښي او نور جنایي جرمونه ډېر سوي دي.
دا په داسي حال کي ده چي تېره ورځ هم په ولسي جرګه کي د هرات او ځینو نورو ولایتونو د امنیتي وضعیت په اړه جدي اندېښنې مطرح سوې.
په ورته وخت کي دفاع وزارت هم ګواښونه مني، خو وایي تر ګواښ لاندې ولایتونو کي عملیات روان دي.