هيواد راډيو تلوېزيون هيواد راډيو تلوېزيون
راپور: میلاد حمیدي
د ننګرهار ځايي چارواکو چي د یوې خبري ناستي پر مهال یې د امنیتي ځواکونو لاسته راوړني او د جلال اباد ښار د امنیت په تړاو معلومات شریکول وویل، تر ملي پوځ وروسته د ښار امنیت د پولیس خاصو ځواکونو ته وسپارل کېږي.
والي حیات الله حیات وايي، هغه لاري چي د جلال اباد امنیت ترې ګواښل کېده او په تېرو ۱۶ کالونو کي ورته توجه نه وه سوې دایمي پوستې یې ځای پر ځای کړې.
مسٔوولین وايي، ملي امنیت ځواکونو د تېري یوې اونۍ په ترڅ کي هغه ۶ وسله والو د ۴۱ میله وسلو او مهاتو سره نیولي چي په جلال اباد کي یې فعالیت درلود.
چارواکو وویل، یو شمېر کسان په کابل کي ناست او د رسینو له لاري د ننګرهار تصویر غلط معرفي کوي.
دوی زیاتوي، دا کسان یې پېژندلي او ژر به یې پر وړاندي د قانوني لارو اقدامات ترسره کړي.
د جلال اباد ښار امنیت په تړاو تر هغه ورسته اندېښنې زیاتي سوي چي دلته پرلپسې ډلیزو بریدونو په کیدو زیات شمېر کسانو ته مرګ ژوبله واړوله اوس چي چارواکي د تازه اقدماتو وايي.
نو وبه کتل سي چي څومره بریالي کېږي.
د حکومت وسله والو مخالفینو د دوی د کسانو د نیول په تړاو څه نه دي ویلي.