هيواد راډيو تلوېزيون هيواد راډيو تلوېزيون
د روسیې سفارت وايي چي دا غونډه په روسیه کي د یو شمېر میشتو افغانانو په نوښت جوړېږي او د روسیې حکومت په هغې کي هېڅ راز رول نه لري.
په کابل کي د روسیې د سفارت په خبرپاڼه کي همداراز ویل سوي چي په دې غونډه کي به د روسیې د حکومت او دولت هیڅ چارواکي او نه هم د کوم بل هیواد کوم استازی ګډون وکړي.
پرون د افغانستان د بهرنیو چارو وزارت ویندوی صبغت الله احمدي وویل چي د افغانستان حکومت په دې ډول غونډو کي ګډون نه کوي، ځکه چي د سولي له بهیر سره مرسته نه کوي.
تر دې مخکي د روسیې د بهرنیو چارو وزارت په قول په راپورونو کې ویل سوي وو چي د فبرورۍ په پنځمه او شپږمه به د افغانستان په اړه په مسکو کې کنفرانس جوړ سي.