هيواد راډيو تلوېزيون هيواد راډيو تلوېزيون
راپور: محمدیار مجروح
د یادي لاري مسافر وايي، د روزګان لاره ورځ تر بلي د خرابیدو په حال کي ده او ډیری وخت يې سفر له ستونزو سره مخ وي.
بلخوا د کندهار د فواید عامي مسؤلین وايي، د امنیتي ستونزو له کبله د یادي لاري د رغولو چاري ټکنۍ سوي دي.
د کندهار ـ روزګان لویه لار چي مسافر ورباندي د څلورو ساعتونو پر ځای ۹ ساعته مزل کوي.
ددې لاري د رغولو چاري له تیرو لسو ورځو راهیسي په ټپه ولاړي دي.
د رزګان د لويي لاری مسافر وايي، یاده لار ورځ تر بلي د خرابیدو په حال کي ده چي دتګ راتګ پر مهال یې سفر له ګڼو ستونزو سره مخ وي.
مسافر د کندهار له ولایتي ادارې غوښته کوي چي دیادي لاري درغولو چاري دي په چټکۍ بیا پيل کړي.
بلخوا د کندهار دفوایدعامې مسؤلین وايي، د امنیتي ستونزو له امله دیادي لاري د رغولو چاري ټکنۍ سوي دي.
د کندهار د فواید عامې رئيس انجنېر محمدصابر احمدزي هیواد تلویزیون ته وویل، چي له تیرو لسو ورځو راهیسي د یو شمیر امنیتي ستونزو د ارزګان د لاري د رغولو چاري ټکنۍکړي دي.
دده په خبره که امنیتي مسؤلین پدې برخه کي همکاري وکړي د یادي لاري د رغولو چاري به چټکي کړي.
دکندهار ـ ارزګان لویه لار د خرابوالي تر څنګ له امنیتي ستونزو هم خالي نده.
په دغه لار وسلوالو طالبانو څو ځله حکومتي چارواکي او عام خلګ د لاري په اوږدو کي له موټرو کښته کړي او له ځان سره یې وړي دي.