هيواد راډيو تلوېزيون هيواد راډيو تلوېزيون
د روزګان امنیتي مقامات وايي چي پر خاص روزګان ولسوالۍ يي د وسله والو برید پر شا تمبولی.
د نوموړي ولسوالۍ د مرکز د سقوط له پاره وسله والو برید کوونکو طالبانو ډله ییزبریدونه پيل کړه چي د نن سهار تر ناوخته پوري يې دوام در لود.
د روزګان امنیه قومندان سمونوال محمدخطاب خنجري وايي، چي افغان قواوو د وسله والو بریدونه پر شا تمبولي او د ولسوالۍ د سقوط مخنیوی يې کړی.
دغه راز په یاده جګړه کي دواړو لورو ته مرګ ژوبله اوښتې خو چارواکي يې کره شمېره نه ښيي.
د روزګان امنیه قومندان ښاغلي خنجري وويل چي د خاص روزګان ولسوالۍ په جګړه کي د قاطع ماموریت هوايي قواوو هم د افغان ځواکونو مرسته کړې.
خاص روزګان د ولایتي مرکز ترینکوټ په ۸۰ کیلو میترۍ کي ختیځ لورته د زابل او غزني سره په سرحد کي نږدې پرته ولسوالي ده، چي ډيري برخي يې له تیرو ۳ کالو راهیسي له دولتي حاکمیت څخه بهر دي.
وسله والو طالبانو بیا د خاص روزګان ولسوالۍ د جګړې په اړه رسنیو ته په یوه لېږلي پیغام کي ادعا کړې، چي د ولسوالۍ پر مرکز يې موټر بم حمله او وسله وال بریدونه کړي، چي حکومتي قواوو ته يې درانه تلفات پکښي اړولي.