هيواد راډيو تلوېزيون هيواد راډيو تلوېزيون
د بغلان د مرکز پلخمري ښار یوه اوسېدونکي خپله مور د تیشې په ګوزار وژلې او خپل ورور يې ټپي کړى دى.
د بغلان د امنیت امر جګړن وحیدالله نظامي رسنیو ته وویل، چي د پلخمري ښار د فرحت سیمي اوسیدونکي عاطف تېر ماښام خپله مور د تیشي په وسیله وژلي او خپل ورور يې ټپى کړى دى.
نظامي وویل چي قاتل نيول سوى او دا مهال تر پوښتنو لاندي دى.
د یادونې ده، څو میاشتي وړاندي هم په مرکزي بغلان ولسوالۍ کي يو زوم خپله کوژدن، خواښي او کور ته راغلې مېلمنه پر ډزو وژلي وو.