هيواد راډيو تلوېزيون هيواد راډيو تلوېزيون
امنيتي چارواکي وايي چي په خوست کي د ملي اردو او وسله والو طالبانو ترمنځ جګړه کي د ملي اردو ۱۰ سرتېري وژل سوي او ۳ نور ټپان دي.
د چارواکو په خبره، جګړه تېره شپه ناوخته د دغه ولايت د يعقوبيو صبريو ولسوالۍ اړوند د ګريګري سيمه کي د ملي اردو پر يوه امنيتي پوسته سوې.
د خوست د امنيه قوماندانۍ د امنيت امر سمونوال سيداحمد بابازي وويل چي په پېښه کي د ملي اردو ۱۰ سرتېری وژل سوي، ۳ ټپيان دي او يو بل وسله والو ژوندی له ځان سره وړی دی.
هغه په جګړه کي وسله والو طالبانو ته د اوښتې مرګ ژوبلې په اړه څه ونه ويل، خو زياته يې کړه چي د پلټنو په موخه سيمي ته د ولايت مقام په ګډون د امنيتي ارګانونو يو ګډ پلاوی تللی دی. وسله والو طالبانو تراوسه په دې اړه څه نه دي ويلي.