هيواد راډيو تلوېزيون هيواد راډيو تلوېزيون
رپوټ: مهتمم صالح
کندهار ښار ته زرګونه کورنۍ د جګړو له امله را بې ځایه سوي دي، چي دلته له ډېرو ستونزو سره مخ سوي دي.
په کندهار کي د ميرويس حوزوي روغتون مسئولين وايي، چي روغتون ته په ور وړل سوو موسمي ناروغانو کي له ۱۵- ۲۰ سلنه يې بې ځايه سوي دي.
د دغه روغتون سرطبیب ډاکټر محمد قاسم وایي، چي د دغه بې ځایه سوو ډېر کوچنيان سينه بغل سوي دي.
هغه وایي، که دغه بې ځایه سوي، د سرپناه له پاره يو مناسب ځای پیدا نه کړي اندېښنه سته، چي دلته به یو لوی روغتيايي ناورين را منځته سي.
ډاکټر محمد قاسم وايي، چي بايد دولت او تجاران د دغه بې ځایه سوو سره بېړنۍ مرستي وکړې، تر څو دوی له دغه بحران څخه وژغورل سي.
په کندهار کي اوس هم هره ورځ د جګړو خبرونه خپريږي، چي د جګړو د شدت له امله زرګونو کورنيو خپل کورونه پرېښودو ته اړ سوي دي.
بې ځايه سوي وايي، چي یوازي په جوړه کاليو کي له خپلو سيمو څخه را وتلي دي.