هيواد راډيو تلوېزيون هيواد راډيو تلوېزيون
مولوي محمد حق اخندزاده له جامع څخه د ماپښین ترلمانځه وروسته د کور پر لوري روان و، چي نا معلومو وسله والو برید ورباندي کړی او وژلی يې دی.
د کندهار د والي ویاند محمد داود احمدي وایي، چي مولوي محمد حق اخندزاده ساه ور کړې او په پېښه کي ځای پر ځای وژل سوی.
نوموړي زیاته کړه، چي امنیتي ادارې د پېښي د عاملینو د معلومیدو لپاره تحقیقات پيل کړي.
مولوي محمد حق اخندزاده د کندهار له مشهورو دیني عالمانو څخه وو چي په لویو غونډو کي به يې هم د مخکښه وینا وال په توګه برخه لرل.
نوموړي په دې وروستیو کي په کندهار کي د ولس ږغ په نوم د ولسي حرکت په یوه ستره غونډه کي د سولي په پلوی وینا وکړه او په جګړه کي له ښکېلو غاړو څخه يې په افغانستان کي د جګړې د پای ته رسیدو غوښتنه وکړه.
تر اوسه چا د دې پېښيي مسئولیت په غاړه نه دی اخیستی.