هيواد راډيو تلوېزيون هيواد راډيو تلوېزيون
راپور: نثار احمد څپاند
په زابل ولایت کي د کرکټ بورډ امریت په نوښت د ورزشي خبریالانو فدراسیون په ملتیا د کلب لیول سیالۍ پیل سوي وې، چي د ۱۱ مرکزي او شاجوی ولسوالۍ په ګډون ۱۲ لوبډلو ګډون کړی وو، چي پاي لوبه یې د قلات ښاروالۍ لوبډلي په اتلولي سره پای ته ورسېدل.
پاي لوبي ته د قلات ښاروالۍ او د قلات کرکټ اکاډمۍ لوبډلي لار پیدا کړي وه چي، د لوبي پچه قلات کرکټ اکاډمي وګټل او خپله یي د توپ اچوني پریکړه وکړه.
د ښاروالي لوبډلي د ۷ لوبغاړو په سوځېدو سره وتوانیدل چي خپلي سیالي لوبډلي ته د ۱۵۷ منډو هدف وټاکي.
په جوابي توپ وهنه کي د قلات کرکټ اکاډمۍ د یاد هدف په پوره کولو کي پاته راغلل.
او د ښاروالۍ لوبډله وتوانیدل چي د دې سیالیو اتلولي په خپل نوم کړي.
د دې سیالیو غوره توپ وهونکی د ښاروالۍ لوبډلي څخه حاجي یونس او غوره توپ اچوونکی نثار یارمل ونومول سول.