هيواد راډيو تلوېزيون هيواد راډيو تلوېزيون
راپور: محمد یار مجروح
د کندهار د ترافیکو مدیر سمنوال محمدالله خان وايي، د روژې په میاشت کي يې ترافیکي نظم کنټرول کړي او هڅه يې داده تر څو ترافیکي پيښي رامنځ ته نسي.
دده په خبره د ښار په ګڼه ګوڼه سیمو کي يې خپل پرسونل ځای پر ځای کړی دی.
د ترافیکو مدیر همدا راز زیاتوي، چي د اختر په ورځو کي يې د ترافیکو د کنټرول لپاره خاص پلان نیولی او د لويي عیدګاه په ګډون د ښار په ټولو هغه سیموکي به ترافیک ځای پر ځای کړي چيري چي داختر لمونځ ادا کیږي.
د ده په خبره خلګ باید د اختر په ورځو کي د خپلو ټرانسپورټي وسایطو سره پام وکړي او خپل وسایط کوچنیانو ته ورنکړي تر څو هم ځان هم د نورو ژوند وژغوري.
د ترافیکو مسٔوولین وايي، د روژې په میاشت کي ترافیکو پيښو شاوخوا ۱۲ کسان وژلي دي.
بلخوا د میرویس حوزوي روغتون مسٔوولین وايي، د روژې په میاشت کي ترافیکي پيښو تر ۵۰۰ زیاتو کسانو ته مرک ژوبله اړولې او ۱۴ کسه يې وژلي دي.