هيواد راډيو تلوېزيون هيواد راډيو تلوېزيون
راپور: بشیراحمد فیضان
دوی وايي، د ښار د نرخونود کنټرول لپاره هیڅ اداره مسؤلیت نه ادا کوي خو ښاروالۍ وايي، د ازاد بازار له لاري دغه موضوع څاري.
په اسلامي هیوادونو کي معمولآ د روژې مبارکي میاشت په راتګ سره خلک صدقې باسي او په خپلو پروشاتو کي ارزاني راولي خو په افغانستان په خاص ډول کندهار کي برعکس دغه نرخونه څو برابره لوړیږي.
د کندهار اوسیدونکي له پلورونکو غواړي چي په دې کمزوري اقتصادي هیواد کي د خلکو سره په راکړه ورکړه کي انصاف وکړي.
دوی وايي، حکومتي ادارې خو له لویه سره هم د ښار د نرخونو کنټرول نه کوي او باید پلورنکي خپله په دې برخه کي د خلکو لاسنیوی وکړي.
د کندهار اوسیدونکي دغه راز وايي، د احتکار څخه هم باید ډډه وسي او راکړه ورکړه باید شفافه وي.
دوئ وايي ځيني دوکانداران خوراکي توکي رانیسي او بیا يي د لوړ نرخ د پلورو په نیت اختر ته ساتي چي دا کار د شرعي لحاظه ناروا دي.
د کندهار دغه اوسیدونکي په ټينګار سره له دوکاندارانو څخه غواړي چي په خپل پلور کي تخفیف راولي.
خو د کندهار ښاروالۍ ویاند زمري څرکند د ښار لوړ نرخونه نه ردوي او زیاتوي، چي ځيني پلورنکي بې انصافه دي خو زیاتوي، چي د ازاد رقابت له مخي خلکو ته خوښه ورکړل سوې ترڅو د ښار نرخونه په خپلو سیالیو سره راکښته کړي.
هغه وايي، د ښاورالۍ د حفظ مراقبت ګروپ اخته دی ترڅو د ښار د نرخونو کنټرول ته کسان پیدا کړي.
روژه که څه هم د ثوابونو میاشت ده خو د انصاف څخه لیري کسان په دغه میاشت کي هم پر خپلو هیوادوالو ګټي کوي.
دیني علما وايي، که په دغه میاشت کي له انصافه پرته فیصله او دوکه وسي نو د هغه انسانانو عبادات نه قبلیږي.
دوی له خلکو غواړي چي د خپلو هیوادوالو لاس نیوی وکړي او د غریبو کورنیو سره مرسته وکړي.