هيواد راډيو تلوېزيون هيواد راډيو تلوېزيون
د بادغيس په قادس ولسوالۍ کي د ملي اردو پنځه سرتېري وژل سوي او اووه نور ټپیان دي.
دغه څرګندوني د بادغيس د ولايتي شورا مشر عبدالعزيز بېک کړې دي.
نوموړي زیاته کړې، چي دغه مرګ ژوبله تېره شپه د یاد ولایت په قادس ولسوالۍ کي د ملي اردو پر يوه پوسته د دولت وسله والو مخالفينو د بريد پر مهال اوښتې ده.
هغه د وسله والو مخالفينو د تلفاتو په اړه څه نه دي ویلي.
په ورته وخت کي په بغلان ولایت کي د سړک غاړې ماین چاودني له امله یو ملکي وګړی وژل سوی او درې نور ټپیان دي.
وسله والو ډلو تر اوسه د دواړو پیښو په اړه څه نه دي ویلي.