په اسلام اباد کي د افغانستان سفیر حضرت عمر زاخېلوال وايي، ولسمشر محمد اشرف غني ته یې مکتوبي وړاندیز کړی چي پر ځای یې بل وړ کس د پاکستان لپاره خپل سفیر وټاکي.
زاخېلوال نن دوشنبه پر ټوېټر لیکلي چي، د هغه د استعفا په اړه خپاره سوي خبرونه سم نه دي او د نوي سفیر تر ورتګه به خپل کار ته دوام وکړي.
هغه په بل ټوېټ کي لیکلي چي له کاره د لېرې کېدو پرېکړه يې د دې لپاره کړې چي یوازي د دوو کلونو لپاره یې په اسلام اباد کي د سفیر په توګه د کار کولو ژمنه کړې وه او هغه موده بشپړه سوې ده.
زاخېلوال د ځان په سپیناوي کي لیکلي، ولسمشر ته یې څرګنده کړې چي په اسلام اباد کي له سفارته د لېري کېدو په بدل کي د بل مقام تمه نه لري.